MOSTI 

kam gud ideš

kak gud ideš

s kim gud ideš

navek se z nekim

ili z nečim zideš

kaj nemreš

ili ne znaš prejti

postojiš

gruntaš

dale iti nemreš

pred tobom tu je graba

voda

stena

trda grda rieč

ka dale ti iti ne da

pcerjanje nelucko

gda pot poceka ima

gda pretačeš se na pipi

gda nekaj ili nešči

škrče te i brče

i kaj ve

drugoga ga nega

nek delati MOSTE

prek toga vsega prejti

od ve do zanavek

repa ne podviti

nazaj ne iti

potli dežđa

človek ne sme

skurjen biti

kak i kam

MOSTE DELATI

i prek samoga SEBE

negda se nadviti

i prek SEBE oditi

gledati se zgora

(kak negda vsi mi

SEBI mali znamo biti)

kak tožno zgledimo

gda sami SEBE  se bojimo

kak cvirki

drobni postanemo

gda črez vse

pod vse

i nad SEBE prek

negda moramo iti

či novejši

bolši

okinčeni za ISTINO

bi šteli se zgoditi